کولمبیا نے بھی فلسطین کو تسلیم کرلیا ہے : فلسطینی وزارت خارجہ
فلسطینی نائب وزیر خارجہ تاثیر جرادات نے کہا ہے کہ سابق صدر ہوان مانویل سانتوس نے عہدے سے سبکدوشی سے قبل فلسطینی وزیر خارجہ کو ایک خط ارسال کرتےہوئے فلسطین کی قانونی حیثیت قبول کرنے کا اعلان کیا تھا
1028838
فلسطینی نائب وزیر خارجہ تاثیر جرادات نے کہا ہے کہ کولمبیا نے فلسطین کو تسلیم کرنے کا فیصلہ کر لیا ہے۔
جرادات نے بتایا کہ سابق صدر ہوان مانویل سانتوس نے عہدے سے سبکدوشی سے قبل فلسطینی وزیر خارجہ کو ایک خط ارسال کرتےہوئے فلسطین کی قانونی حیثیت قبول کرنے کا اعلان کیا تھا ۔
نائب وزیر خارجہ نے کہا کہ کولمبیا کا یہ فیصلہ ہماری اعلی سفارتی کوششوں کا نتیجہ ہے جبکہ ہمیں امید ہے کہ جلد ہی پیرو گوئے بھی فلسطین کو تسلیم کر لے گا۔
وزارت خارجہ کے مطابق اب تک دنیا کے 139 ممالک فلسطین کو تسلیم کر چکے ہیں۔