اسرائیل، غزہ کے فلسطینیوں کو بیت المقدس میں داخلے کی اجازت نہیں دے گا

اسرائیل ، پورے ماہِ رمضان میں زیر محاصرہ علاقے غزہ کے فلسطینیوں کو جمعہ کے روز بیت المقدس میں داخلے کی اجازت نہیں دے گا۔

اطلاع کے مطابق اسرائیل، رمضان بھر میں مقبوضہ دریائے اردن کے مغربی کنارے  کے رہائشی 40 سال سے زیادہ عمر کے فلسطینیوں اور عمر کی حد کے بغیر تمام عورتوں کو جمعہ کے دنوں میں بیت المقدس میں داخلے کی اجازت دے گا لیکن غزہ کے باسی فلسطینیوں کو یہ سہولت فراہم نہیں کرے گا۔

اسرائیل کے فوجی ذرائع سے موصول معلومات کے مطابق مذکورہ "سہولیات" غزہ کے فلسطینیوں کا احاطہ نہیں کرتیں تاہم اسرائیلی حکام اس پہلو پر تاحال بات چیت کر رہے ہیں۔