شہید کئے جانے والے فلسطینیوں کی تعداد 18 تک پہنچ گئی
جمعہ کے روز منعقدہ گرینڈ واپسی مارچ میں شریک اور پیٹ سے زخمی ہونے والے 29 سالہ فارس الرقاب نامی فلسطینی وفات پا گیا
![شہید کئے جانے والے فلسطینیوں کی تعداد 18 تک پہنچ گئی](http://cdn.trt.net.tr/images/xlarge/rectangle/39a3/2007/8608/5a6201b744999.jpg?time=1719190445)
فلسطین میں عظیم واپسی مارچ کے دوران جمعہ کے روز زخمی ہونے والے نوجوان کی شہادت سے مقبوضہ غزہ کی سرحد پر اسرائیلی فوجیوں کی طرف سے شہید کئے جانے والے فلسطینیوں کی تعداد 18 تک پہنچ گئی ہے۔
غزہ میں وزارت صحت کے ترجمان اشرف القدریٰ نے جاری کردہ تحریری بیان میں کہا ہے کہ جمعہ کے روز منعقدہ گرینڈ واپسی مارچ میں شریک اور پیٹ سے زخمی ہونے والے 29 سالہ فارس الرقاب نامی فلسطینی وفات پا گیا ہے۔
قدریٰ کے مطابق جمعہ کے دن سے اس وقت تک شہید ہونے والے فلسطینیوں کی تعداد 18 تک پہنچ گئی ہے۔
فلسطینی، لینڈ ڈے کی 42 ویں سالانہ یاد کے موقع پر 30 مارچ بروز جمعہ سے ،زیر محاصرہ غزہ کی پٹّی کی اسرائیلی سرحد پر، پُر امن مظاہرے کر رہے ہیں۔
عوام جلاوطنی کو ختم کر کے انہیں ان کے وطن واپسی کا اور سال 2006 سے غزہ کے غیر قانونی محاصرے کے خاتمے کا مطالبہ کر رہے ہیں لیکن اسرائیلی فوجی عام شہریوں پر حقیقی گولیاں برسا رہے ہیں۔
مظاہروں کے آغاز سے لے کر اب 18 فلسطینی شہید اور ایک ہزار 500 سے زائد زخمی ہو چکے ہیں۔
فلسطینی ان پُر امن مظاہروں کو چھ ہفتے تک جاری رکھنے کا پروگرام رکھتے ہیں۔
متعللقہ خبریں
![اسرائیل نے لبنان پر حملہ کیا تو پچھتائے گا: حزب اللہ](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719190445)
اسرائیل نے لبنان پر حملہ کیا تو پچھتائے گا: حزب اللہ
لبنان میں حزب اللہ تحریک نے خبردار کیا ہے کہ اگر اسرائیل نے لبنان پر حملہ کیا تو اسے پچھتانا پڑے گا