مصر:ٹیلی ویژن میزبان خیری رمضان پولیس کی تحویل میں ،پولیس کو گزند پہنچانے کا الزام
مصر میں عدالت نے ٹیلی وژن کے چینل ون پر "مصر النھاردہ" نامی پروگرام کے میزبان خیری رمضان کو تحقیقات کے لیے 4 روز زیر حراست رکھنے کا فیصلہ کیا ہے جن پر پولیس کو گزند پہنچانے کا الزام ہے
مصر میں عدالت نے ٹیلی وژن کے چینل ون پر "مصر النھاردہ" نامی پروگرام کے میزبان خیری رمضان کو تحقیقات کے لیے 4 روز زیر حراست رکھنے کا فیصلہ کیا ہے۔
واضح رہے کہ خیری پر پولیس کو گزند پہنچانے کا الزام ہے۔
مصری وزارت داخلہ کی جانب سے اطلاع دی گئی تھی کہ خیری نے اپنے پروگرام کی ایک قسط میں پولیس افسران اور انتظامی بد انتظامیوں کی جھوٹی خبر نشر کی تھی ۔
خیری رمضان نے چند روز قبل اپنے پروگرام کے دوران ایک پولیس افسر کی بیوی کی جانب سے موصول ہونے والے خط کا ذکر کیا تھا۔
خط میں خاتون نے بتایا کہ پولیس افسران کی کم تنخواہوں کے سبب وہ اور دیگر افسران کی بیویوں کو بچوں کے اسکول کے اخراجات برداشت کرنے میں شدید مسائل کا سامنا ہے۔
خاتون کے مطابق وہ اپنے گھرانے کے اخراجات کا بوجھ بانٹنے کے لیے کام کرنے کے بارے میں سوچ رہی ہے۔
مصری وزارت داخلہ نے اس امر کا شدید نوٹس لیتے ہوئے خیری رمضان کو پولیس افسران اور ان کے اہل خانہ کے خلاف غلط بیانی کا مرتکب قرار دیا ہے۔
