سعودی فضائیہ نے یمن سے داغا راکٹ فضا میں تباہ کر دیا

سعودی  فضائیہ نے آج صبح فضا میں ایک بیلسٹک میزائل  تباہ کر دیا۔

یہ میزائل حوثیوں کی جانب سے سعودی صوبے عسیر کے شہر خمیس مشیط کی سمت داغا گیا تھا۔

دوسری جانب  سعودی افواج کی جانب سے سرحد پر عسکری کارروائیوں کا سلسلہ جاری ہے جن کا مقصد حوثی عناصر کو سعودی عرب اور یمن کے درمیان سرحدی علاقے میں دراندازی سے روکنا ہے۔

یمن میں آئینی حکومت کی حمایت کرنے والے عرب اتحاد کے جنگی طیاروں نے گزشتہ دو روز کے دوران حوثی ملیشیا کے خلاف تقریبا 50 حملے کیے اور ان کارروائیوں میں باغیوں کے ٹھکانوں نشانہ بنایا گیا جن  میں حوثیوں کا جانی نقصان ہوا اور عسکری گاڑیاں اور ہتھیاروں کے گودام تباہ ہو گئے