یمن میں اتحادی فوجیوں کےجیل پر حملے کے نتیجے میں 30 قیدی ہلاک
اس سے قبل حوثیوں کے زیر انتظام نشریاتی ادارے نے کہا تھا کہ اتحادیوں کی جانب سے گذشتہ روز کیے گئے حملے میں 12 افراد جاں بحق ہوئے، جو تمام قیدی تھے
یمن میں سعودی عرب کی سربراہی میں عرب ممالک کی اتحادی افواج نے حوثی باغیوں کے زیر انتظام جیل پر فضائی حملہ کیا جس کے نتیجے میں 30 افراد جاں بحق اور 80 زخمی ہوگئے۔
اس سے قبل حوثیوں کے زیر انتظام نشریاتی ادارے نے کہا تھا کہ اتحادیوں کی جانب سے گذشتہ روز کیے گئے حملے میں 12 افراد جاں بحق ہوئے، جو تمام قیدی تھے۔
فرانسیسی خبر رساں ادارے اے ایف پی کے مطابق مشرقی علاقے میں فضائی حملے میں جاں بحق اور زخمی ہونے والوں میں اکثریت قیدیوں کی تھی، جو ان کے خلاف جنگ کرنے کے جرم میں قید تھے۔
عالمی ادارہ صحت کے مطابق 2015 میں شروع ہونے والے اتحادی افواج کے حملوں میں اب تک 8 ہزار 750 شہری اپنی جانوں سے ہاتھ دھو چکے ہیں۔خیال رہے کہ سعودی عرب کی سربراہی میں عرب اتحاد نے مارچ 2015 میں ایران کے حمایت یافتہ حوثی باغیوں کے خلاف فضائی کارروائی کا آغاز کیا تھا۔
متعللقہ خبریں
اسرائیل نے لبنان پر حملہ کیا تو پچھتائے گا: حزب اللہ
لبنان میں حزب اللہ تحریک نے خبردار کیا ہے کہ اگر اسرائیل نے لبنان پر حملہ کیا تو اسے پچھتانا پڑے گا
