مسلح افواج اور عوام حوثیوں کے خلاف یک وجود ہو کر اٹھ کھڑے ہوں: علی عبداللہ صالح
ملک حملے کی زد میں ہے اور حوثی اپنے احمقانہ رویوں کے ساتھ اس حملے کا حصہ بنے ہوئے ہیں: علی عبداللہ صالح
یمن کے معزول لیڈر علی عبداللہ صالح نے ان سے منسلک فورسز اور یمن کے عوام سے ملک کے تمام شہروں میں حوثیوں کے خلاف بغاوت کرنے کی اپیل کی ہے۔
صالح نے یمن الیوم ٹیلی ویژن چینل کے لئے جاری کردہ بیان میں کہا ہے کہ میں مسلح افواج اور عوام سے اپیل کرتا ہوں کہ وہ حکومت، جمہوریت، اتحاد اور آزادی کے تحفظ کے لئے، عوامی امکانات کو لوٹ مار کا نشانہ بنانے والے ان عناصر یعنی حوثیوں کے خلاف، یک وجود ہو کر اٹھ کھڑے ہوں۔
انہوں نے اپنے سے منسلک فورسز سے اپیل کی کہ وہ حوثیوں سے احکامات نہ لیں بلکہ اپنے امیر یعنی صدر عبدالربو منصور ہادی کے مخصوص کردہ فوجی محکموں کے احکامات کی پیروی کریں۔
صالح نے کہا ہے کہ حوثیوں کے اقدامات یمنی عوام کے خلاف حملہ ہیں۔ حوثیوں نے صنعاء میں چیک پوسٹیں قائم کر رکھی ہیں، راستوں کو بند کر رکھا ہے ، عوام کو دہشتگردی کا نشانہ بنایا ہے اور گھروں پر فائر کھول کر شہری ہلاکتوں کا سبب بنے ہیں۔
انہوں نے کہا ہے کہ جھڑپیں حوثیوں کے عوامی اسمبلی کے سیاسی اور فوجی لیڈروں کے گھروں پر حملوں کی وجہ سے شروع ہوئی ہیں ، ثالثی کمیٹی 2 روز سے کشیدگی کو کم کرنے کی کوشش کر رہی ہے لیکن حوثیوں کے عوامی اسمبلی کے لیڈروں کے گھروں پر حملے کی وجہ سے ہمارے محافظ دستے اور لیڈر اپنے گھروں میں اپنا دفاع کر رہے ہیں۔
صالح نے حوثیوں کو بچوں کو مسلح کرکے جنگ میں جھونکنے کا قصوروار ٹھہراتے ہوئے کہا ہے کہ "ملک حملے کی زد میں ہے اور حوثی اپنے احمقانہ رویوں کے ساتھ اس حملے کا حصہ بنے ہوئے ہیں"۔
انہوں نے کہا ہے کہ میں اپنے بھائیوں اور بین الاقوامی کولیشن سے حملوں کو روکنے ، امداد کا راستہ کھولنے، ائیر پورٹوں کو کھولنے اور جو واپسی کے منتظر ہیں انہیں واپسی کی اجازت دینے کی دعوت دیتا ہوں۔
صالح نے کہا کہ ہم نے تمام بیرونی اور اندرونی سیاسی قوتوں کی طرف ہاتھ بڑھایا ہے۔
انہوں نے یمنی عوام سے اپیل کی ہے کہ وہ عبوری دور کے بعد حوثیوں اور ہادی کی ملیشیا فورس کی حکومت کے خاتمے کے لئے ایک نئے لیڈر کا انتخاب کریں ۔
انہوں نے کہا کہ موضوع بحث ہم ہونے پر ہمارا وقت گزر چکا ہے ہم اقتدار کے پیچھے نہیں ہیں اقتدار عوام کا ہے۔
واضح رہے کہ یمن میں منتخب حکومت کے خلاف اتحاد بنانے والے حوثیوں ا ور سابق صدر صالح کے حامیوں کے درمیان جمعہ کے روز صنعاء میں دوبارہ سے جھڑپیں شدت پکڑ گئی تھیں۔
