لیبیا کی سمندری حدود میں داخل ہونے والے جہازوں کی تلاشی لی جائے گی: سلامتی کونسل
یورپی یونین کی درخواست پر سلامتی کونسل کے طلب کردہ اجلاس میں رکن ممالک نے اس بات کا مشترکہ فیصلہ کیا کہ ایک سال تک لیبیا کی سمندری حدود میں داخل ہونے والے بحری جہازوں کی اسلحے کی غیر قانونی تجارت کے شبے میں تلاشی لی جائے گی
511061
اقوام متحدہ کی سلامتی کونسل نے لیبیا کےلیے اسلحہ لے جانے کے شبے میں بحری جہازوں کی تلاشی لینے کا اختیار دے دیا ہے ۔
یورپی یونین کی درخواست پر سلامتی کونسل کے طلب کردہ اجلاس میں رکن ممالک نے اس بات کا مشترکہ فیصلہ کیا کہ ایک سال تک لیبیا کی سمندری حدود میں داخل ہونے والے بحری جہازوں کی اسلحے کی غیر قانونی تجارت کے شبے میں تلاشی لی جائے گی ۔
تلاشی کے بعد اگر کسی جہاز سے مشتبہ سامان برآمد ہوا تو اُنہیں اقوام متحدہ کی نگرانی میں تباہ کر دیا جائے گا۔
واضح رہے کہ سلامتی کونسل نے سن 2011 میں لیبیا پر اسلحے کی پابندی عائد کر دی تھی جس کے بعد داعش کے شر پسندوں نے غیر قانونی طریقوں سے اسلحہ حاصل کرنا شروع کر دیا تھا ۔
