یمن میں جھڑپوں میں 11 افراد ہلاک، 34 زخمی

یمن  کے شہروں طائز اور شبوہ  میں    تصادم اور حوثیوں کے  رہائشی علاقوں پر  حملوں میں 11 افراد ہلاک  جبکہ 34 زخمی ہو گئے۔

صدر  عبدالربوع  منصور حادی    کی حامی  عوامی مزاحمتی قوتوں  کے  پریس       ڈائریکٹر  ماجد بن عامر الا حاریسی  کا کہنا ہے کہ انہوں نے     حوثیوں اور معزول  صدر علی عبداللہ صالح   کے  حامیوں کے کنٹرول میں ہونے والے    سٹریٹیجک  اہمیت کے حامل  الا سلیم  علاقے   سمیت  الا نقوب    کو  واپس لے  لیا ہے۔

علاقے     میں    گھمسان کی جنگ ہونے کا  ذکر کرنے والے  حاریسی   کا کہنا   تھا کہ    ان جھڑپوں میں  8 حوثی شدت پسند مارے گئے ہیں  ۔

دوسری جانب   یمنی وزیر اعظم  احمد عابدی  بن داغر    نے    کہا ہے کہ ملک کو موجودہ سیاسی بحران سے نجات دلانے   کا واحد راستہ   وفاقی ڈھانچے  کا قیام ہے۔

یمنی   سرکاری   خبر ایجنسی  صبا کے   مطابق    داغر   نے شمالی اور جنوبی  یمن  کے الحاق کی 26 ویں سالگرہ  کی مناسبت سے    ترکی میں مقیم  یمنی باشندوں     کے زیر اہتمام منعقدہ ایک  پروگرام میں شرکت کی۔

جس دوران انہوں نے بتایا کہ   ملک کو اس   المیہ سے باہر  نکالنے اور اتحاد و یکجہتی قائم کرنے   کا واحد راستہ    6 صوبوں پر مشتمل   وفاقی ڈھانچے کا قیام   ہے۔