یمن:تعز میں جھڑپیں،18 حوثی ہلاک درجنوں زخمی
یمن سے ملنے والی اطلاعات میں بتایا گیا ہے کہ وسطی شہر تعز میں حکومت نواز فورسز کے حملے میں 18 حوثی باغی ہلاک اور 48 زخمی ہو گئے ہیں
یمن سے ملنے والی اطلاعات میں بتایا گیا ہے کہ وسطی شہر تعز میں حکومت نواز فورسز کے حملے میں 18 حوثی باغی ہلاک اور 48 زخمی ہو گئے ہیں۔
موصولہ اطلاعات میں بتایا گیا ہے کہ تعز اور اس کے مضافاتی مقامات پر باغیوں اور حکومتی دستوں کے درمیان گھمسان کی لڑائی جاری ہے جس میں دشمن کو بھاری جانی نقصان اٹھانا پڑا ہے۔
ذرائع کے مطابق، اتحادی ممالک کے جنگی جہازوں نے بھی تعز میں علی صالح ملیشیا اور حوثی جنگجوؤں کے ٹھکانوں پر بمباری کی ہے۔
دوسری جانب تعز کے آزاد کرائے گئے علاقوں پر حوثیوں نے میزائل حملے کیے ہیں تاہم ان میں کسی قسم کے جانی نقصان کی تصدیق نہیں ہو سکی۔
ذرائع کے مطابق حوثی باغیوں نے اپنی عسکری قوت تعز کے جنوبی اضلاع کی جانب منتقل کرنا شروع کر دی ہے۔
متعللقہ خبریں
اسرائیل نے لبنان پر حملہ کیا تو پچھتائے گا: حزب اللہ
لبنان میں حزب اللہ تحریک نے خبردار کیا ہے کہ اگر اسرائیل نے لبنان پر حملہ کیا تو اسے پچھتانا پڑے گا
