حکومت عراق نے کابینہ کے اراکین کی تعداد کو 33 سے  22 کر دیا

حکومت عراق نے سرکاری اخراجات میں کمی کرنےکی پالیسی کے پیش نظر کابینہ کے اراکین کی تعداد کو 33 سے کم کر کے 22 کر دیا ہے ۔
عراق کے وزیر اعظم حیدر العبادی نے کہا ہے کہ اس پروگرام کے دائرہ کار میں چار وزارتوں کو ختم کرتے ہوئے انھیں دیگر وزارتوں سے وابستہ کیا جائے گا ۔
بند کی جانے والی وزارتوں میں خواتین اور انسانی حقوق کی وارتیں بھی موجود ہیں ۔ گزشتہ ہفتے نائب وزیر اعظم کے تین عہدوں اور نائب صدر کے تین عہدوں کو ختم کر دیا گیا تھا ۔
عراق میں گزشتہ ماہ اقتصادی بحران اور بجلی کی لوڈ شیڈنگ کی وجہ سے ملک بھر میں مظاہرے ہو ئے تھے اور آیت اللہ سستانی نے ملک میں اصلاحات کرنے کی اپیل کی تھی جس کے بعد
وزیر اعظم حیدر العبادی نے اقتصادی صورتحال کو بہتر بنانے کے لیے سرکاری اخراجات میں کمی کرنے کی غرض سے کفایت شعاری کے پیکیج کا اعلان کیا تھا ۔