اسرائیلی فوجیوں نے ایک فلسطینی کو ہلاک اور ایک  کو زخمی کر دیا

دریائے اردن کے مغربی علاقے میں اسرائیلی فوجیوں  نے ان پر حملہ کرنے کے الزام میں ایک فلسطینی بچے کو ہلاک اور ایک نو جوان کو زخمی کر دیا ہے ۔
اسرائیلی فوجی حکام کیمطابق ایک 19 سالہ فلسطینی نوجوان نے دریائے اردن کے مغربی علاقے کی سرحدی کنٹرول چوکی پر ایک اسرائیلی فوجی کو چاقو کے وار سے معمولی زخمی کر دیا ۔ جس کے جواب میں اسرائیلی فوجیوں نے اسے گولی مار کر زخمی کر دیا ۔
چند گھنٹوں کے بعد اسرائیلی فوجیوں نے ایک 16 سالہ بچے کوان پر چاقو سے وار کرنے کے الزام میں گولی مار کر ہلاک کر دیا ۔ دریائے اردن کے مغربی علاقے میں ایک فلسطینی کے عدالت میں پیش کرنے کے مطالبے میں 60 دن سے بھوک ہڑتال کرنے اور دو روز قبل اس کی حالت نازک ہونے کے بعد واقعات میں اضافہ ہوا ہے ۔