مخلوط حکومت ایک دن کے اندر مستعفی ہو جائے:صدر عباس
صدر محمود عباس نے اپنی جماعت ا لفتح کی انقلابی کونسل کے اجلاس سے خطاب کرتے ہوئے کہا کہ وزیراعظم رامی ال حمد اللہ کی زیرقیادت قائم قومی حکومت اگلے چوبیس گھنٹوں کے اندر اندر مستعفی ہوجائے گی اور تمام وزرا اپنے استعفے صدر محمود عباس کو پیش کردیں گے
فلسطینی انتظامیہ کے صدر محمود عباس نے مختلف سیاسی جماعتوں پر مشتمل مخلوط قومی حکومت کو چوبیس گھنٹے کے اندر اندر مستعفی ہونے کا حکم دیا ہے۔
خبر کے مطابق صدر محمود عباس نے اپنی جماعت ا لفتح کی انقلابی کونسل کے اجلاس سے خطاب کرتے ہوئے کہا کہ وزیراعظم رامی ال حمد اللہ کی زیرقیادت قائم قومی حکومت اگلے چوبیس گھنٹوں کے اندر اندر مستعفی ہوجائے گی اور تمام وزرا اپنے استعفے صدر محمود عباس کو پیش کردیں گے۔
فلسطینی ذرائع ابلاغ کے مطابق صدر عباس کی جانب سے حکومت کی اچانک برطرفی کی وجہ معلوم نہیں ہوسکی تاہم الفتح کی انقلابی کونسل کے بعض ارکان نے ذرائع کے حوالے سے بتایا ہے کہ صدر عباس کابینہ میں غیر معمولی ردو بدل کرنا چاہتے ہیں اس لیے انہوں نے حکومت تبدیل کرنے کا فیصلہ کیا ہے۔
نئی حکومت کی تشکیل کے لیے حماس سمیت دیگر گروہوں سے بھی رابطے شروع کردیے گئے ہں۔ تاہم حماس نے کسی قسم کے رابطے کی تردید کی ہے اور قومی حکومت کی برطرفی کو صدر محمود عباس کا غیر جمہوی اور آمرانہ فیصلہ قرار دے کر مسترد کردیا ہے۔
متعللقہ خبریں
اسرائیل کا جنوبی لبنان کے ساحلی شہر سور کے قریب ایک علاقے میں فضائی حملہ
فضائی حملے میں سُر شہر کے بہت قریب واقع فاصلے پر ایک جگہ کو نشانہ بنایا گیا
حزب اللہ کا اسرائیلی سرحد پر واقع ایک بستی پر کامیکاز ڈراون سے حملہ
گزشتہ روز لبنان کے برگالی قصبے پر اسرائیل کے حملے کے جواب میں یہ حملہ کیا گیا