غزہ میں دھماکہ 50  فلسطینی زخمی

غزہ کی پٹی کے بیت الاحیہ کے علاقے میں اسرائیل کے گزشتہ سال کے حملوں کے دوران پھینکے جانے والے ایک میزائل کے اب پھٹ جانے سے کم از کم 50 فلسطینی زخمی ہو گئے ہیں ۔ جن میں سے بعض کی حالت نازک بتائی جا تی ہے ۔
اسرائیل نے غزہ پر حملوں کے دوران نہ پھٹنے والے متعدد بموں، راکٹوں اور بارودی سرنگوں کوناکارہ بنا دینے کا اعلان کیا تھا۔
اسرائیل کے غزہ پر سا ت جولائی 2014 کو 51 دن تک جاری حملوں میں دو ہزار سے زائد افراد ہلاک اور 11000 سے زائد زخمی ہو گئے تھے ۔ان حملوں میں ہزاروں مکانات ،مساجد اور اسکولوں کو تباہ کر دیا گیا تھا ۔
حملوں کے دوران نہ پھٹنے والے بعض بموں کے بعد میں پھٹنے سے بھی کئی فلسطینی ہلاک اور زخمی ہو گئے تھے ۔