صدر فرانس سعودی عرب کے دورے پر

فرانس کے صدر اولاند خلیجی ملکوں کے دوروں کے دائرہ کار میں قطر کے بعد سعودی عرب پہنچ گئے ہیں۔
سعودی فرمانروا شاہ سلمان بن عبدالعزیز نے ریاض میں اولاند کا استقبال کیا۔ اولاند اور شاہ سلمان کے شاہی محل میں سر انجام پانے والے مذاکرات میں دونوں ملکوں کے باہمی تعلقات کو مزید تقویت دیے جانے سمیت علاقے کی تازہ صورتحال پر غور کیا گیا۔
خلیجی تعاون کونسل کے ریاض میں سربراہی اجلاس میں اعزازی مہمان کی حیثیت سے شرکت کرنے والے اولاند نے یمن کے صدر عبدالربی منصور حادی اور شامی قومی کونسل کے سربراہ احمد جربے سے بھی ملاقات کی۔ انہوں نے اس دوران یمن اور شام کی تازہ صورتحال پر اپنے جائزے پیش کیے۔
بروز سوموار قطر کا دورہ کرنے والے اولاند نے امیر قطر حماد بن تمیم کے ساتھ ایک فوجی معاہدے پر دستخط کیے تھے۔
قطر کو 24 رافال لڑاکا طیاروں کی فروخت پر مبنی اس معاہدے کی رو سے قطری پائلٹوں کی تربیت فرانسیسی ماہرین کریں گے۔