داعش کا دین اسلام سے کوئی تعلق نہیں: صدر ایردوان

صدر رجب طیب ایردوان نے یمن کے صدر عبدل رابو منصور حادی کی خواہش پر سعودی عرب کی زیر قیادت عرب ممالک کیطرف سے یمن کے حوثیوں کے اہداف کیخلاف فوجی کاروائی کی حمایت کا اعلان کیا ہے ۔
صدر ایردوان نے فرانسیسی چینل 24 کو بیان دیتے ہوئے کہا کہ ہم حالات کیمطابق لوجسٹک امداد فراہم کر سکتے ہیں ۔شعیہ حوثیوں کو القائدہ اور دیگر دہشت گرد گروپوں کیساتھ یمن کو ترک کرنے کی ضرورت ہے ۔ایران بھی اسی زمرے میں آتا ہے ۔
انھوں نے عراق میں ایران کیطرف سے اپنی سرگرمیوں کو بڑھانے پر نکتہ چینی کرتے ہوئے کہا کہ ایران دہشت گرد تنظیم داعش کو علاقے سے نکال کر اس کی جگہ لینا چاہتا ہے ۔عراق میں داعش کیخلاف اتحادی قوتوں کی کاروائی ناکافی ہے لہذا بری کاروائی شروع کرنے کی ضرورت ہے ۔ داعش کا دین اسلام سے کوئی تعلق نہیں ہے یہ ایک دہشت گرد گروپ ہے ۔