دولتِ اسلامیہ کے دہشت گردوں کے حملے کے نتیجے میں 27 افراد ہلاک

عراق کے شہر موصل کے قریب داعش دہشت گرد تنظیم کے اراکین نے حملہ کرتے ہوئے 27 افراد کو ہلاک کردیا ہے۔
داعش نے گزشتہ سال جون میں موصل پر قبضہ کیا تھا۔
توقع کی جا رہی ہے کہ داعش کے خلاف کی جانے والی کاروائی میں ’فائیو عراقی بریگیڈ‘حصہ لے گی جب کہ تین دیگر چھوٹی بریگیڈ کی بھی اُسے معاونت حاصل ہو گی اور کرد فورس ’پیش مرگہ‘ کی تین بریگیڈ بھی موصل پر کنٹرول حاصل کرنے کے لیے کیے جانے والے آپریشن میں مدد کریں گی۔
عہدیدار کے مطابق امریکہ کی طرف سے تاحال یہ فیصلہ نہیں کیا گیا ہے کہ کیا اس کارروائی میں عراق میں موجود امریکی فوجی مشیر بھی فورس کی مدد کے لیے بھیجے جائیں گے یا نہیں۔
شام اور عراق کے علاقے پر قابض داعش کے ٹھکانوں پر امریکہ کی زیر قیادت اتحادی ممالک کی طرف سے 2400 سے زائد فضائی کارروائیاں بھی کی گئیں جس سے عہدیداروں کے مطابق شدت پسند تنظیم کو نقصان پہنچا ہے جب کہ امریکی فورسز عراقی فوج کو ملک میں پانچ مختلف مقامات پر تربیت بھی فراہم کر رہی ہیں۔