اسرائیلی فوج بے دردی سے فلسطینیوں کا قتل کر رہی ہے

اسرائیل فوج غزہ میں قتل ِ عام کی کاروائیاں جاری رکھے ہوئے ہے۔
اسرائیل کے فضائی حملوں میں ہلاک ہونے والے فلسطینیوں کی تعداد 166 تک جا پہنچی ہے تو زخمیوں کی تعدا د ایک ہزار 120 تک ہو گئی ہے۔جن میں 33 بچے اور 16 خواتین بھی شامل ہیں۔
اسی طرح فوج نے مختصر دورانیے کا بری آپریشن بھی کیا۔
اسرائیلی وزیر اعظم نتن یاہو کا کہنا ہے کہ"یہ فوجی کاروائیاں کب تک جاری رہیں گی ہم نہیں جانتے، لیکن ایسا لگتا ہے کہ یہ طویل مدت تک جاری رہ سکتی ہیں۔
30 ہزار ریزرو فوجیوں کو ڈیوٹی پر طلب کرنے والے اسرائیل نے غزہ کی سرحدوں پر بھاری تعداد میں ٹینک اور فوجی جمع کر رکھے ہیں۔
ادھر اقوام متحدہ کی سلامتی کونسل نے دونوں فریقین کو فائر بندی کی اپیل کرنے والے ایک اعلامیہ کو متفقہ طور پر قبول کر لیا ہے۔تا ہم یہ اعلامیہ کسی قسم کی پابندیوں کا اطلاق نہیں کرتا۔