ترک قومی کھلاڑی بارسیلونا میں کھیلے گا

اسپین کے عالمی شہرت یافتہ اور بڑے ترین کلب بارسیلونا نے ترک قومی ٹیم کے فٹ بالر آردا تُران کو اپنے کلب میں ٹرانسفر کر لیا ہے۔
بارسیلونا کلب کی ایڈمنسٹریٹوو کمیٹی نے آردا کی ٹرانسفر کی متفقہ طور پر منظوری دے دی ہے۔
آردا تُران کے ساتھ پانچ سالہ معاہدے پر دستخط کرنے والاہسپانوی کلب اس ٹرانسفر کے معاوضے کے طور پر اٹلیٹیکو میڈرڈ کو 34 ملین یورو ا دا کرے گا۔ دیگر شرائط کے پورا ہونے پر اسے مزید 7 ملین یورو ادا کرنے ہوں گے۔ اس حوالے سے دستخط تقریب کا اہتمام آئندہ کے ایام میں ہو گا۔
دوسری جانب سے اٹلیٹیکو میڈرڈ کلب نے چار برسوں تک اس کلب کے لیے اعلی خدمات فراہم کرنے پر "شکریہ آردا" کے ساتھ اس چیز کا اعلان کیا ہے۔