ترکی کے اخبارات سے جھلکیاں
ترکی کے اخبارات سے جھلکیاں
روزنامہ حریت " ایک دوسرے کے ساتھ اسلحہ کا لین دین کرتے ہیں" کے زیر ِ عنوان اپنی خبر میں لکھتا ہے کہ جرمنی میں منعقدہ 53 ویں انٹرنیشنل میونخ سیکورٹی کانفرس کے دائرہ کار میں ایک پینل سے خطاب کرنے والے وزیر خارجہ میولود چاوش اولو نے اس جانب اشارہ دیا ہے کہ دہشت گرد تنظیموں کے خلاف جنگ کرتے وقت ایک دوسری دہشت گرد تنظیم کو حمایت و تعاون فراہم کرنا ایک انتہائی غلط فعل ہے۔ انہوں نے بتایا کہ "یہ سابقہ امریکی انتظامیہ کی سر زد کردہ ایک فاش خطا ہے، انہوں نے وائے پی جی کو اسلحہ کی ترسیل کی ہے۔ جن میں سے بعض کو PKK نے اپنی تحویل میں لے لیا ہے۔ جبکہ ایک حصہ داعش کے ہاتھ لگ چکا ہے۔ یہ تنظیمیں ایک دوسرے کے ساتھ اسلحہ کا لین دین بھی کرتی رہتی ہیں۔ PKK اس اسلحہ کو ترکی کے اندر دہشت گرد کاروائیوں میں استعمال کرتی ہے ۔ ترکی امریکہ کا ایک اتحادی ملک ہے تاہم ، یہ دہشت گردی کے خلاف جنگ میں کیونکر ایک دوسری دہشت گرد تنظیم سے تعلق جڑے ہوئے ہے۔ "
روزنامہ سٹار"دہشت گردی کے خلاف مطابقت " کے عنوان کے تحت لکھتا ہے کہ وزیر اعظم بن علی یلدرم نے عراقی کردی علاقائی انتظامیہ کے سربراہ مسعود برزانی سے جرمنی کے شہر میونخ میں ملاقات کی۔ اس دوران علاقائی پیش رفت اور دہشت گردی کے خلاف جنگ کے معاملات زیرِ غور آئے۔ انسداد ِدہشت گردی کے حوالے سے عزم پر زور دیے جانے والے ان مذاکرات میں دہشت گرد گروہوں کی خطے میں تباہ کاریوں اور بے چینی کے معاملات کا جائزہ لیا گیا۔ وزیر اعظم یلدرم نے اس دوران باہمی رابطے کی اہمیت پر زور دیا۔
روزنامہ ینی شفق نے " محکمہ ریلوے کے لیے مقامی انجن " عنوان کے تحت لکھا ہے کہ ترکی انجن و موٹر ساز صنعت نے طرز اور پاور کے لحاظ سے ترکی کے لیے پہلا ہونے کی خصوصیت کا حامل ڈیزل انجن تیار کرنے میں کامیابی حاصل کر لی ہے۔ ایسکی شہر کی فیکٹری کا دورہ کرتے ہوئے مقامی ڈیزل انجن کی تعارفی تقریب میں شرکت کرنے والے مواصلات، جہاز رانی اور خبر رسانی امور کے وزیر احمد ارسلان نے بتایا کہ ہم تیز رفتار ٹرین کو قومی اور مقامی طور پر بذات ِ خود تیار کریں گے۔ ہم اسے نہ صرف اندرون ملک استعمال کریں گے بلکہ دنیا کے ہر علاقے کو برآمد بھی کریں گے۔
روزنامہ خبر ترک " خلیج میں 'بہادرانہ' اقدام" جلی سرخی لگاتے ہوئے لکھتا ہے کہ کوچ ہولڈنگ کی فرم اوتو کار اور متحدہ عرب امارات کی نامور سرمایہ کار فرم توازن کے باہمی تعاون سے قائم کردہ الا جیسور فرم نے متحدہ عرب امارات کے ساتھ 661 ملین ڈالر کی لاگت کی حامل بکتر بند گاڑیوں کے ایک معاہدے دستخط کیے ہیں۔ ترک دفاعی صنعت کے ایک وسیع پیمانے کے برآمدات معاہدے پر دستخط کرنے کی توضیح کرنے والے کوچ ہولڈنگ کے قائمقام چیئر مین علی کوچ کا کہنا ہے کہ ہم خلیجی ممالک تک برآمدات پر اکتفا نہیں کریں گے بلکہ اپنی شراکت دار فرم کے ہمراہ بیرون ملک میں بھی پیداوار کو شروع کریں گے۔
"سیاحتی آبدوز " کے زیر عنوان روزنامہ صباح نے لکھا ہے کہ انطالیہ میں یکم اپریل سے خدمات فراہم کرنے والی 46 مسافروں کی گنجائش کی حامل آبدوز "نیمو پریمروں" نے پہلا سفر سر انجام دیا ہے۔ اس آبدوز کی متعلقہ فرم کے جنرل منیجر کا کہنا ہے کہ یہ آبدوز زیر سمندر 110 میٹر تک اترنے کی اہل ہے اور یہ دنیا بھر میں محض 7 ملکوں میں عمل درآمد کردہ ایک سرگرمی ہے، اس کی تیاری پر ایک سال کا عرصہ لگا ہے ہم دوسری آبدوز کو سن 2018 میں استعمال کرنے اور اسے بحیرہ ایجین میں اُتارنے کی ،منصوبہ بندی کر رہے ہیں۔ سیز ن کے اندر 70 ہزار کے قریب مقامی و غیر ملکی سیاحوں کااس سفر سے محظوظ کرانے کا ہدف رکھتے ہیں۔
