ترکی کے اخبارات سے جھلکیاں

روزنامہ صباح "میرے دوست پوتن کا تعاون  اہم ہے"  کے زیر عنوان  لکھتا ہے کہ صدر رجب طیب ایردوان نے   روسی سرکاری   ٹی وی چینل روسیا   ۔ ون    پر  میخائل  گسمان کے پیش کردہ  پروگرام   فارمولا   ولاستی میں    بطور  مہمان خصوصی شرکت کی۔  مشرق وسطی    میں  دہشت گردی کے خلاف جدوجہد     کے  موضوع    کا ذکر کرنے والے  صدر ایردوان نے  کہا کہ"اس علاقے میں دہشت گردی کے  خلاف  جنگ میں  مجھے    قابل  ِ احترام   معزز   دوست   پوتن کے تعاون  کی ضرورت لا حق ہے۔  اس  ضمن میں  روس کے ساتھ   تعاون  قائم کرنے    کی خاطر ہم  ہر لازمی اقدام اٹھانے  کے لیے تیار ہیں۔ "   دہشت گرد تنظیم فیتو کی بغاوت  کی کوشش   کا بھی ذکر کرنے والے   جناب ایردوان  نے بتایا کہ "ان واقعات  کے    پیش آنے کے دوسرے روز    محترم پوتن نے  مجھے ٹیلی فون کرتے ہوئے اس بات پر زور     دیا کہ ہم  اس بغاوت کی مخالفت  اور   آپ  کی طرفداری کرتے ہیں۔  میں  ذاتی طور پر   اور ترک عوام  کے نام پر    اس اصولی مؤقف   کو یاد کرتے ہوئے   " تہہ دل سے شکر گزار ہوں ۔

روزنامہ خبر ترک "موصل کو  خشکی سے پہلی مدد : ترک مسلح افواج  نے  فائرنگ کی بعشیقہ دہشت گردوں سے  پاک ہو گیا"  عنوان کے تحت لکھتا ہے کہ  دہشت گرد تنظیم داعش     کے     وجود کو  عراق   سے مکمل طور پر مٹانے کے زیر مقصد   متحدہ امریکہ ، عراقی خصوصی دستوں،   عراقی علاقائی انتظامیہ    سے منسلک پشمرگوں اور  اتحادی قوتوں   کی جانب سے    شروع کردہ موصل  کاروائی کے ساتویں  روز   پشمرگوں نے   کل   بعشیقہ  قصبے اور نیواران    کو نجات دلانے   کے لیے ایک      آپریشن کیا۔   جس دوران امام  رضا  گاؤں میں  گھمسان کی  جھڑپ ہوئی ۔ ترک فوجیوں کے      موجود ہونے والے فوجی اڈے کے    جوار میں ہونے والی اس جھڑپ    کے بعد پشمرگوں نے بعشیقہ   کو داعش سے   پاک کرتے ہوئے علاقے کا کنٹرول  سنبھال لیا ہے۔

"میں آپ کی جرات مندی کو  سلام پیش کرتا ہوں"  جلی سرخی لگاتے ہوئے روزنامہ حریت نے اپنی   خبر میں لکھا ہے کہ  آج انقرہ میں    مذاکرات سے قبل    ایک بیان  دینے والے فرانسیسی  وزیر خارجہ جین مارک   آئرالٹ نے    بتایا  کہ وہ   ترک جمہوریت  کی علامت    قومی  اسمبلی    کا دورہ کرتےہوئے  15 جولائی  کی شب    بغاوت کو ناکام بنانے  اور    ڈیموکریسی کا تحفظ کرنے  کی خاطر     اپنی  جانوں کا نذرانہ پیش کرنے سے بھی گریز نہ کرنے والے ترک عوام کی  بہادری   اور جرات  کا احترام کرنے     کا مظاہرہ       کریں گے۔  15 جولائی کی شب   سے    ہم سب کو  دھچکہ لگنے کا ذکر کرنے والے   فرانسیسی وزیر نے      واضح کیا کہ  بغاوت کے فاعلوں کے خلاف ترکی  کی      عدالتی کاروائیاں    ذی  فہم ہیں۔

روزنامہ  ینی شفق   نے "ویلیو  ایڈیڈ   ایگزیبشن "     کے زیر عنوان  لکھا ہے کہ  وزارت اقتصادیات اور ترکی برآمد کنندگان  جی    یونین   کے   تعاون سے    حکومتی آمدنی میں اضافہ کرنے کی حامل   برآمدات میں   بڑھوتی  اور استنبول    کو  ڈیزائننگ  کے  مراکز میں سے ایک کی حیثیت دلانے کے زیر مقصد امسال    پہلی   بار  ڈیزائن   ویک ترکی   میں  گہری دلچسپی کا مظاہرہ کیا  گیا ہے۔استنبول   میں 19 تا 23  اکتوبر  کو  منعقدہ  اس سرگرم میں،  انڈسڑیل ڈیزائن، فیشن اور    ویژیول   کیمیونیکشن    کے شعبہ  جات  سے وابستہ  عالمی سطح کی ممتاز  شخصیات نے شرکت کی ۔   اس دوران مختلف کانفرسوں، نمائشوں اور   ڈیزائنوں   پر مبنی فن پاروں سے    عوام کو  محظوظ کرایا گیا۔

روزنامہ وطن "ایجزاجے باشے    ویٹرا    اوپر تلے دوسری بار  عالمی چمپین"  عنوان  کے تحت    لکھتا ہے کہ     ایجزاجے باشے    ویٹرا      نے     والی بال وومن  کلبز  عالمی چمپین شپ  کے فائنل میچ میں   پومی  کاسال ماگیور کو  3۔2 کے اسکور سے شکست دیتے ہوئے      چمپین  بننے کا  اعزاز حاصل کیا ہے۔   اس  ٹیم نے گزشتہ برس بھی    اسی ٹائٹل کو حاصل کیا تھا۔