اخبارات کی جھلکیاں
17/08/16
روزنامہ ینی شفق نے " ُ ملک ڈھونگی اور فرضی معتبر شخصیات سے پاک ہوگیا "کے زیر عنوان خبر میں لکھا ہے کہ صدر رجب طیب ایرودان نے ترک بار ایسو سی ایشن کے صدر متین فیضی اولو اور ان کے ہمراہ وفدسے ملاقات کے دوران کہا کہ 15 جولائی کی شب، ملک کی نام نہاد معتبر شخصیات کا کہیں نام و نشان نہیں تھا اُس رات ٹینکوں کے سامنے لیٹنے والے یہ معتبر افراد نہیں بلکہ ہماری سفید پوش عوام تھی جنہوں نے اپنی جانوں کی پروا کیے بغیر ملک میں جمہوریت کے فروغ کےلیے جدو جہد کی جن پر جتنا فخر کیا جائے کم ہے۔
روزنامہ صباح نے" فوجی پائلٹوں کا تبادلہ" کے زیر عنوان سرخی چسپاں کرتے ہوئے لکھا ہے کہ 415 جولائی کے واقعات میں ملوث فوجی پائلٹوں کےلیے حکومت نے ایک فیصلہ کیا جس کی رو سے ملک میں ہنگامی حالت کے دوران 560فوجی پائلٹوں کو ٹرکش ایئر لائنز میں بطور پائلٹ فرائض سر انجام کرنا ہونگے۔ اس سلسلے میں شہری ہوا بازی کا محکمہ غیر ملکی پائلٹوں کے لیے مختص 10 فیصد کا کوٹہ بھی ختم کردے گا اور فضائی کمپنی بوقت ضرورت غیر ملکی پائلٹوں سے خدمات حاصل کر سکے گی ۔
روزنامہ اسٹار نے خبر دی ہے کہ مشہور زمانہ گلو کار ایلٹن جان نے انطالیہ ایکسپو 2016 کی روح رواں ایجنسی کو ایک مراسلہ روانہ کیا ہے جس میں انہوں نے ترکی میں جمہوری حکومت کا تختہ الٹنے کی کوشش پر افسوس کا اظہار کرتے ہوئے کہا کہ میری نیک تمنائیں آپ کے ساتھ ہیں اور میں نو ستمبر کو ایکسپو انطالیہ کے زیر اہتمام کانسرٹ میں شرکت کرنے پر فخر محسوس کروں گا۔
روزنامہ خبر ترک کی خبر کے مطابق،اقوام متحدہ کے ادارے برائے تشہیر مصنوعات نے ترکی میں خردہ فروشی کو فروغ حاصل ہو رہا ہے اور غیر ملکی برانڈز کے اسٹورز کا کھُلنا جاری ہے۔ ادارے کے صدر سامی کاریو نے کہاہے کہ ترکی میں اس وقت 17 غیر ملکی برانڈز کے 2381 اسٹورز ہیں جن کی تعداد میں سال رواں کے آخر تک 90 اسٹورز کام مزید اضافہ ہو جائے گا۔
روزنامہ حریت نے خبر دی ہے کہ ترکی کے ساحلی قصبے بودروم کی سیر کےلیے امریکی اداکار ویلیئم ڈفو اپنے اہل خانہ کے ہمراہ آئیں ہیں۔ ویلیئم ڈفو نے اسپائیڈر مین کی سیریز میں گرین گوبلن کے کردار میں خاصی پذیرائی حاصل کی تھی ۔61 سالہ اداکار نے گزشتہ روز ایک ریستوران میں اہل خانہ کے ہمراہ کھانا کھایا اور ترک کبابو ں کو کافی پسند کیا ۔