بھارت: سیلاب کی وجہ سے ہلاکتوں کی تعداد 201 تک پہنچ گئی

بھارت کے جنوبی اور مغربی صوبوں میں شدید بارشوں کے نتیجے میں سیلاب اور لینڈ سلائیڈنگ  کی وجہ سے ہلاکتوں کی تعداد 201 تک پہنچ گئی ہے۔

پریس ٹرتھ آف انڈیا کے مطابق کیرالہ، کرناٹک، مہاراشٹرا اور گجرات کے صوبوں سمیت متعدد علاقوں میں بارشوں کا سلسلہ جاری ہے۔

بارشوں کے نتیجے میں سیلاب  اور لینڈ سلائیڈنگ کی آفات میں بدھ کے دن  سے لے کر اب تک 201 افراد ہلاک ہو چکے ہیں۔

حکام کے مطابق کیرالہ میں 76 افراد ہلاک  ہوگئے ہیں، 50 لاپتہ ہیں اور تقریباً 2 لاکھ 90 ہزار کو کیمپوں میں منتقل کر دیا گیا ہے۔

مہاراشٹرا میں سیلاب کی وجہ سے43  ، پنجاب میں 31اور کرناٹک میں 42 افراد ہلاک ہو گئے ہیں جبکہ 12 لاپتہ افراد کی تلاش کا کام جاری ہے۔

صوبہ اتر کھنڈ میں لینڈ سلائیڈنگ کی وجہ سے ایک ماں اور اس کے 9 ماہ کے بچے سمیت 6 افراد ہلاک ہو گئے ہیں۔

خبر کے مطابق جمّوں و کشمیر میں بھی سیلاب کی وجہ سے ایک ہی کنبے کے تین افراد ہلاک ہو گئے ہیں۔