امریکی نائب صدر کا شمالی وجنوبی کوریائی سرحد کا دورہ

شمالی کوریا کی جانب سے میزائل تجربے کے ایک ہی روز بعد نائب امریکی صدر مائیک پینس نے شمالی اور جنوبی کوریا کے درمیان واقع سرحد کا دورہ کرتے ہوئے جنوبی کوریا کے ساتھ اپنی یک جہتی کا اظہار کیا ہے۔

 پینس نے کہا کہ امریکہ، شمالی کوریا کے ساتھ تنازعے کو پُر امن طریقوں سے حل کرنا چاہتا ہے لیکن اس سلسلے میں تمام تر امکانات زیرِ غور ہیں۔

 امریکہ  کے انتباہ کے باوجود شمالی کوریا نےگزشتہ روز  ایک میزائل فضا میں چھوڑا تھا جو امریکی بیانات کے مطابق پرواز کے تھوڑی ہی دیر بعد دھماکے سے پھٹ کر تباہ ہو گیا تھا۔

 یاد رہے کہ  شمالی کوریا نے یہ تجربہ ملک کے بانی رہنما کِم اِل سُنگ کے 150 ویں یومِ پیدائش پر پیونگ یانگ میں ایک فوجی پریڈ کے بعد کیا تھا۔