جوہری صلاحیتوں کے مالک ہیں ،امریکہ کو منہ توڑ جواب دیں گے: شمالی کوریا

شمالی کوریا  نے کہا ہے کہ   شامی ہوائی اڈے پر امریکی حملہ   جارحیت ہے    ۔

 شمالی کوریائی محکمہ خارجہ  کے ایک نا معلوم عہدے دار نے  بتایا ہے کہ  امریکہ کا شام پر حملہ  ناقابل معافی اقدام ہے     اور ہم امریکہ کے   غیر محتاط رویئے   اور جنگی جنون  کے جواز میں  اپنا  جوہری پروگرام جائز مانتےہیں۔

یہ بھی کہا گیا ہے کہ  شمالی کوریا   جوہری  ہتھیاروں سے لیس ایک مضبوط ملک بن چکا ہے  اور  ہم امریکی حملوں کا منہ توڑ جواب دینےکی پوری صلاحیت رکھتے ہیں اور  مستقبل میں بھی ہمارا جوہری پروگرام جاری رہے گا۔

  شمالی کوریا کا  ایک عرصے سے دعوی ہے کہ امریکہ اس پر قبضے  کی تیاری میں مصروف ہے جس کی امریکی انتظامیہ مسلسل تردید کرتی  آرہی ہے ۔