مہاراشٹرا میں پل گرنے سے دریا میں بہنے والی بسوں میں سوار  تمام مسافر ہلاک

بھارت کی ریاست مہاراشٹرا میں شدید بارشوں کے باعث دو روز قبل  دریائے ساوتری میں طغیانی کے باعث ممبئی کو گوا سے ملانے والے  پل کے گرنے سے متعدد گاڑیاں دریا میں بہہ گئی تھیں ان میں سوار  38  مسافر وں میں سے کوئی بھی زندہ نہیں بچ سکا ہے ۔

ریاست کے ایک اعلیٰ افسر  ستیش باگال  نے پریس ٹرسٹ آف انڈیا خبر ایجنسی کو بتایا کہ امدادی سر گرمیوں کے نتیجے ابتک صرف 9  مسافروں کی لاشیں نکالی جا سکی ہیں ۔ شدید بارشوں سے امدادی سرگرمیوں میں مشکلات کا سامنا کرنا پڑ رہا ہے ۔ دریا میں گرنے والی بسوں کو بھی ابھی تک تلاش نہیں کیا جا سکا ہے ۔امدادی سرگرمیوں میں 150 ماہرین اور غوطہ خور حصہ لے رہے ہیں ۔

 یاد رہے کہ بدھ کے روز ریاست مہاراشٹرا میں شدید بارشوں کے باعث دریائے ساوتری میں طغیانی آ گئی  تھی اور  شدید بارش کے باعث ممبئی کو گوا سے ملانے والا پل گرنے سے 2 بسیں اور متعدد گاڑیاں دریا میں بہہ گئی تھیں۔