بھارتی وزیراعظم نریندر مودی چار افریقی ممالک کے دورے پر

بھارت کے وزیراعظم نریندر مودی کل جمعرات کو  براعظم افریقہ کے چار ملکوں کے دورے کی پہلی منزل موزمبیق کے لیے روانہ ہو رہے ہیں۔

وہ اپنے  اِس دورے میں جنوبی افریقہ، تنزانیہ اور کینیا بھی جائیں گے۔ وہ گزشتہ چونتیس برسوں میں موزمبیق کا دورہ کرنے والے پہلے بھارتی وزیراعظم ہوں گے۔

 ان چاروں ملکوں میں بھارتی وزیراعظم کے وفد کے اراکین کئی اقتصادی و ثقافتی معاہدات کو حتمی شکل دیے جانے کی توقع کی جا رہی ہے۔

جنوبی افریقہ بھارت کا چھٹا بڑا تجارتی پارٹنر ملک ہے۔ دونوں ملکوں کا تجارتی حجم پانچ بلین ڈالر سے زائد ہے۔ ماہرین کے مطابق بھارتی وزیراعظم کے دورے کا بنیادی مقصد افریقہ میں چینی تجارتی عمل کا مقابلہ کرنا ہے۔

وزیراعظم مودی ملکی  معشت میں بہتری اور تیزی لانے کے مقصد کے لیے دنیا کے مختلف ممالک کا دورہ کرنے کا سلسلہ جاری رکھے ہوئے ہیں۔