نیپال میں زلزلے کے شدید جھٹکے

امریکی محکمہ ارضیات کے مطابق ہفتے کی صبح نیپال کے دارالحکومت کھٹمنڈو میں آج شدید زلزلہ آیا، جس کی شدت ریکٹر اسکیل پر 7٫9 ریکارڈ کی گئی ہے۔
یہ زلزلہ اتنا شدید تھا کہ اس کے جھٹکے ہندوستان اور پاکستان میں بھی محسوس کیے گئے۔ زلزلے کا مرکز کھٹمنڈو کے قریب واقع مشرقی علاقے پوکھارا میں تھا۔
امریکی محمکہ ارضیات نے اطلاع دی ہے کہ یہ زلزلہ مقامی وقت کے مطابق صبح 11 بج کر 56 منٹ پر آیا اور اس کی زیر زمین گہرائی 11 کلومیٹرتھی۔
زلزلے کے جھٹکے اولین طور پر ہندوستان کے بیشتر شہروں اور پھر پاکستان کے بعض مقامات پر بھی محسوس کیے گئے۔