ملاوی کے نائب صدر کا طیارہ لا پتہ ہو گیا

افریقی ملک ملاوی کے نائب صدر کا طیارہ دوران پرواز لاپتہ ہوگیا۔

 ملاوی ایوان صدر  کے مطابق، طیارے میں ملاوی کے نائب صدر ساؤلوس کلاؤس سمیت 10 افراد سوار ہیں۔

ایوان صدرکا یہ بھی  بتانا ہے کہ نائب صدر کو لے جانے والا طیارہ  پرواز کےکچھ دیربعد ریڈار سے غائب ہوگیا۔

 واضح رہے کہ   ملکی فضائیہ  کا  یہ طیارہ دارالحکومت لیلونگوے سے موزوزو جا رہا تھا۔

ملاوی کے صدر نے طیارے کی تلاش  کے احکامات جاری کردیے ہیں۔

واقعے کی اطلاع ملنے کے بعد ملاوی کے صدر لازارس چکویرا نے بہاماس کے لیے طے شدہ فضائی سفر بھی منسوخ کردیا ہے ۔