اقوام متحدہ کی قرادادوں پر عمل درآمد کرتے ہوئے خطے میں فوری جنگ بندی کی جائے : مادورو

وینزویلا کے صدر نکولس مادورو نے کہا کہ غزہ کی عمارتوں پر جہاں شہری رہتے ہیں اندھا دھند بمباری کی گئی اور اسرائیل پر فلسطینی عوام کے خلاف "نسل کشی" کا الزام لگایا۔

اپنے ایک پروگرام میں خطاب کرتے ہوئے مادورو نے کہا کہ اسرائیل پہلے بھی کئی بار غزہ میں "قتل عام" کر چکا ہے۔

انہوں نے کہا کہ غزہ میں، جن عمارتوں میں شہری آباد  ہیں  ان کو اندھا دھند نشانہ بنایا جا رہا ہے، ہر طرف بمباری ہو رہی ہے، عورتیں اور بچے ہر روز مر رہے ہیں۔ میں دنیا بھر کے اپنے تمام مسلمان بھائیوں، عیسائیوں اور یہودیوں سے کہتا ہوں، آئیے اقوام متحدہ سے فوری جنگ بندی کروانے کا مطالبہ کریں۔

مادورو نے کہا کہ امن مذاکرات جلد از جلد شروع ہونے چاہئیں اور اقوام متحدہ کی قراردادوں کا احترام کرتے ہوئے ایک آزاد اور خودمختار فلسطینی ریاست قائم کی جانی چاہیے۔

انہوں نے کہا کہ  وہ ہمیشہ فلسطینی عوام کا دفاع کریں گے، مادورو نے کہا کہ وہ فلسطینی صدر محمود عباس کے دو ریاستی حل کے مطالبے کی بھی حمایت کرتے ہیں۔

وینزویلا کے صدر نے اسرائیل اور فلسطین کے حوالے سے صدر رجب طیب ایردوان کے بیانات کی حمایت کی۔

انہوں نے کہا کہ میں ایردوان سے مکمل طور پر متفق ہوں۔ وہ انتہائی سمجھدار الفاظ استعمال کرتے ہیں۔ اقوام متحدہ کی قراردادوں کا احترام کرتے ہوئے منصفانہ اور مکمل امن کا حصول ضروری ہے۔ مجھے یقین ہے کہ ایردوان، ایک رہنما کے طور پربہترین طریقے سے ثالثی کا کردار ادا کرسکتے ہیں۔انہوں نے اعلاقے میں  جنگ بندی کرنے اور  منصفانہ امن کے قیام کا مطالبہ کیا ہے۔

حماس کے عسکری ونگ، قاسم  بریگیڈز نے ہفتے کے روز اعلان کیا کہ اس نے اسرائیل پر "اقصیٰ طوفان" کے نام سے ایک جامع حملہ کیا ہے۔ جب کہ غزہ سے اسرائیل کی طرف ہزاروں راکٹ فائر کیے گئے، مسلح گروپ علاقے کی بستیوں میں داخل ہوئے۔

اسرائیلی فوج نے یہ بھی اعلان کیا کہ اس نے جنگی طیاروں سے غزہ کی پٹی کے خلاف آہنی تلواروں کے نام سے  فوجی  آپریشن شروع  کردیا ہے۔

بڑھتی ہوئی کشیدگی میں دونوں طرف سے سینکڑوں ہلاکتیں ہوئی ہیں۔