عید کے موقع پر سوڈان میں ملکی فوج اور ریپڈ سپورٹ فورسسز کے درمیان فائر بندی کا اعلان
ہم شہریوں کی تکالیف کو کم کرنے کے لیے انسانی بنیادوں پر جنگ بندی کی پابندی کریں گے۔ ہم عزم اور چیلنج کے مرحلے میں ہیں، البرہان
![عید کے موقع پر سوڈان میں ملکی فوج اور ریپڈ سپورٹ فورسسز کے درمیان فائر بندی کا اعلان](http://cdn.trt.net.tr/images/xlarge/rectangle/441f/fda9/9b91/64437a23e8263.jpg?time=1719227051)
سوڈانی فوج نے اعلان کیا کہ جھڑپیں ہونے والی پیرا ملٹری ریپڈ سپورٹ فورسز نے دارالحکومت خرطوم میں بتدریج "ہنگاموں کے مقامات" کو صاف کرنے کا مرحلہ شروع کر دیا ہے۔
سوڈان میں فوج اور پیرا ملٹری ریپڈ سپورٹ فورسز کے درمیان جھڑپیں شروع ہوئے ایک ہفتہ گزر چکا ہے۔ جھڑپوں کی وجہ سے کچھ مساجد نہیں کھولی گئیں اور کچھ میں نماز عید اور جمعہ کی نماز کے دوران صفیں خالی تھیں۔ بعض علاقوں میں لوگوں نے مساجد کے صحنوں میں نماز ادا کی۔
ریپڈ سپورٹ فورسز نے عید کے پہلے روز سے لیکر 72 گھنٹوں تک "انسانی" فائر بندی پر عمل درآمد کرنے کا اعلان کیا تھا تو ملکی فوج نے بھی کل شام عالمی حلقوں کی جانب سے فائر بندی کی اپیلیوں کی تعمیل کرنے کی اطلاع دی تھی۔
بعد ازاں ایک بیان میں فوج نے کہا ہے کہ "ان تمام خلاف ورزیوں کے باوجود جو ریپڈ سپورٹ فورسز نے جنگ بندی کے اعلان کے بعد مختلف خطوں میں کیں، ہم شہریوں کی تکالیف کو کم کرنے کے لیے انسانی بنیادوں پر جنگ بندی کی پابندی کریں گے۔ ہم عزم اور چیلنج کے مرحلے میں ہیں۔ "
سوڈان میں اقوام متحدہ کے انٹیگریٹڈ مشن کے سربراہ اور سوڈان میں اقوام متحدہ کے نمائندے وولکر پرتھیس نے تمام فریقین سے عید کے دنوں میں جنگ بندی پر عمل درآمد کرنے کے بین الاقوامی مطالبے کا اعادہ کیا تاکہ جھڑپوں والے علاقوں میں پھنسے تمام شہریوں کے لیے محفوظ راستے کو یقینی بنانے کے لیے ضروری حالات پیدا کیے جاسکیں۔
کل سوڈانی فوج کے کمانڈر جنرل عبدالفتاح البرہان اور ریپڈ سپورٹ فورسز کے کمانڈر محمد حمدان دگالو سے ٹیلی فون پررابطہ کرنے کی اطلاع دینے والے بلنکن نے کہا کہ انہوں نے فریقین سے اس عمل میں جنگ بندی کی تعمیل کرنے کا مطالبہ کیا۔
بلنکن نے بتایا کہ "لیکن یہ واضح ہے کہ تنازعہ جاری ہے اور دونوں طاقتوں کے درمیان شدید عدم اعتماد ہے" انہوں نے سفارتی عملے سمیت تمام شہریوں کی حفاظت کو یقینی بنانے کے لیے لڑائی بند کرنے کے اپنے مطالبے کا اعادہ کیا۔
دوسری جانب وائٹ ہاؤس کی ترجمان کرائن جین پیئر نے کہا کہ ہم گزشتہ سال سے سوڈان میں امریکیوں کو ملک کی بگڑتی ہوئی صورتحال کے بارے میں خبردار کر رہے ہیں اور امریکی شہریوں کا انخلا ایجنڈے میں شامل نہیں ہے۔
متعللقہ خبریں
![نائجیریا، ریاست کاتسینا میں مسلح حملے میں 7 افراد ہلاک](http://cdn.trt.net.tr/images/medium/rectangle/99bb/6587/8e00/66791349a4b59.jpg?time=1719227052)
نائجیریا، ریاست کاتسینا میں مسلح حملے میں 7 افراد ہلاک
سیکیورٹی فورسز کو علاقے میں بھیج دیا گیا ہے اور اس واقعے کی تحقیقات شروع کردی گئی ہیں