بائیڈن باضابطہ طو رپر امریکہ کے 46 ویں صدر منتخب ہو گئے

امریکہ کے الیکٹورل کالج نےنومنتخب صدرجوبائیڈن کی کامیابی کی تصدیق کردی ہے۔

ڈیموکریٹک پارٹی کے امیدوار نے 306 الیکٹورل ووٹ حاصل کیے جبکہ رپبلکن پارٹی کے امیدوار ڈونلڈ ٹرمپ نے 232 الیکٹورل ووٹ حاصل کیے ہیں۔ 

یاد رہے کہ جوبائیڈن کو وائٹ ہاوس پہنچنے کیلئے 270 ووٹ درکارتھے۔جبکہ کیلفورنیا سے تمام پچپن ووٹ بھی جوبائیڈن کو ملے۔

الیکٹورل کالج کی تصدیق کے بعد خطاب کرتے ہوئے نومنتخب صدر نے کہا کہ امریکی عوام نےمجھے ریکارڈووٹوں سے منتخب کیا۔ صدرڈونلڈ ٹرمپ نے لوگوں کے ووٹوں کو مسترد کیا۔

نومنتخب امریکی صدر نے کہا کہ صدرڈونلڈ ٹرمپ جمہوریت پر یقین نہیں رکھتے۔

ٹرمپ نے ری پبلکن گورنرز سے مدد لینےکی کوشش کی۔

انہوں نے الزام لگایا کہ ٹرمپ نے انتخابات کودرست قراردینے والے عہدیداروں کو فارغ کر دیا۔

جوبائیڈن20 جنوری 2021 کو حلف اٹھائیں گے اور وہ  امریکہ کے 46 ویں صدر ہوں گے۔

وہ سابق امریکی صدر باراک اوباما کے دور میں نائب صدر بھی رہے۔

نومنتخب امریکی صدر 1973 میں امریکی سینیٹ کے رکن منتخب ہوئے اور وہ اس وقت ملکی تاریخ کے پانچویں کم عمر ترین سینیٹر تھے۔

سنہ2009 میں جوبائیڈن امریکہ کے74ویں نائب صدر بنے اور 2017 تک صدراوباما کے نائب صدر رہے۔