صدر ٹرمپ کی متحدہ عرب امارات کے ولی عہد سے ٹیلی فونک ملاقات
وائٹ ہاؤس کے نائب ترجمان جڈ ڈیر نے ٹرمپ اور الا نیحان کی ٹیلی فونک ملاقات کے حوالے سے ایک تحریری اعلان جاری کیا
صدر ِ امریکہ ڈونلڈ ٹرمپ نے متحدہ عرب امارات کے ولی عہد پرنس محمد بن زاید الا نیحان سے بات چیت میں مشرق وسطی کی تازہ صورتحال کا جائزہ لیا۔
وائٹ ہاؤس کے نائب ترجمان جڈ ڈیر نے ٹرمپ اور الا نیحان کی ٹیلی فونک ملاقات کے حوالے سے ایک تحریری اعلان جاری کیا۔
اعلامیہ کے مطابق الا نیحان نے ڈونلڈ ٹرمپ اور ان کی اہلیہ میلانی ٹرمپ کے کورونا وائرس سے نجات پانے پر اپنی مسرت کا اظہار کیا تو ٹرمپ نے ان کی ہمدردی کا دلی شکریہ ادا کیا۔
کووڈ۔19 وبا کی تازہ صورتحال پر بھی غور کیے جانے کی اطلاع دینے والے اعلامیہ کے مطابق ٹرمپ نے ابراہم معاہدے پر دستخط کے سلسلے کی قیادت کرنے پر ولی عہد پرنس کو مبارکباد پیش کی اور خطے کے دیگر ممالک کی بھی اسی راہ پر چلنے کے لیے ان کی حوصلہ افزائی کرنے کی بھی اپیل کی۔
یاد رہے امریکی صدر نے 13 اگست کو اسرائیل اور متحدہ عرب امارات کے بیچ اور 13 ستمبر کو اسرائیل۔ بحرین ’’ تعلقات کو مکمل طور پر معمول پر لانے‘‘ کے لیے معاہدے طے ہونے کا اعلان کیا تھا۔
متعللقہ خبریں
اسرائیلی عوام غزہ میں نسل کشی کے خلاف اپنی صدا بلند کریں، صدرِ کولمبیا
آج اسرائیل کے لوگوں کو عالمی امن اور زندگی کے حق کے دفاع میں سب سے آگے ہونا چاہیے