اقوام متحدہ نے ایران پر پابندیوں کا امریکی مطالبہ رد کر دیا

اقوام متحدہ کی سلامتی کونسل نے ایران کے خلاف تمام پابندیاں بحال کرنے کا امریکی مطالبہ مسترد کر دیا ہے۔

اقوام متحدہ کے بیان میں بتایا گیا ہے کہ پندرہ رکنی سلامتی کونسل اس حوالے سے اتفاق نہیں کرتی لہذا امریکہ کو یہ مطالبہ ترک کر دینا چاہیے۔

 یاد رہے کہ سلامتی کونسل کی صدارت اس وقت انڈونیشیا کے پاس ہے جبکہ سلامتی کونسل کے تیرہ اراکین نے امریکی مطالبہ مسترد کر دیا تھا۔

ان کے مطابق امریکہ ایران کے ساتھ بین الاقوامی جوہری سمجھوتے سے الگ ہو گیا تھا لہذا وہ معاہدے میں تبدیلیوں کا مطالبہ نہیں کر سکتا۔