مالی، دہشت گردوں کے حملے میں کم ازکم 35 فوجی ہلاک

مالی کے شمال مشرق میں نائجر سرحدوں کی چیک پوسٹ پر دہشت گردوں کے حملے میں 35 فوجی اپنی جانوں سے ہاتھ دھو بیٹھے۔

مالی کے وزیر اطلاعات یحیی سنگارے  کا کہنا ہے کہ کہ ملک کے شمال مشرقی علاقے میناکا میں نائجر کی سرحد کے قریب نامعلوم مسلح آوروں نے فوجی اڈے پر دھاوا بول کر 53 فوجیوں کو موت کے گھاٹ اتار دیا۔

واقعے کی اطلاع پاتے ہی  حفاظتی قوتوں کی ایک  بھاری نفری جائے وقوعہ پر پہنچی اور لاشوں و زخمیوں کو اسپتال  پہنچایا۔

مالی  حکام  نے اطلا ع دی ہے کہ  ہلاک شدگان کی شناخت کا عمل جاری ہے تاہم  حملے کی ذمہ داری کسی نے تاحال قبول نہیں کی،  زخمیوں میں سے متعدد کی حالت  تشویش ناک ہے  جس سے ہلاکتوں میں اضافے کا خدشہ ہے۔

حکومت نے اسے دہشت گردی کا واقعہ قرار دیتے ہوئے اس کی  سخت مذمت کی ہے تو سیکیورٹی  قوتوں نے  حملہ آوروں کی گرفتاری کے لیے علاقے میں   کاروائی اور تحقیق شروع کر دی ہے۔

مالی میں ’جی 5  کوسٹل فورس‘ کے نام سے 5 ممالک کی افواج بھی القاعدہ اور داعش سمیت دیگر مسلح تنظیموں کے خلاف کارروائی کے لیے تعینات ہیں۔ ان ممالک میں برکینا فاسو، چاڈ، مالی، موریطانیہ اور نائجر شامل ہیں۔