فحش فلموں کی اداکارہ کو رقم دینے پرٹرمپ کے وکیل کے گھراور دفتر پر ایف بی آئی کا چھاپہ

امریکی تفتیشی ادارے" ایف بی آئی‘ نے صدر ڈونالڈ ٹرمپ کے وکیل مائیکل کوہن کے دفتر اور گھر کی تلاشی لی ہے۔

تفتیشی حلقوں کے مطابق یہ چھاپے فحش فلموں کی اداکارہ سٹورمی ڈینیئلز کو ادا کیے جانے والے ایک لاکھ تیس ہزار ڈالر کے حوالے سے مارے گئے ہیں۔

 کوہن نے اس اداکارہ کو یہ پیسے خود اپنی جیب سے ادا کیے تھے۔

اسٹورمی  ڈینیئلز کا کہنا ہے کہ اُنہیں ڈونلڈ ٹرمپ کے ساتھ اپنے روابط پر خاموشی اختیار کرنے کے لیے یہ رقم دی گئی تھی۔

 امریکی صدر نے کوہن کے دفتر اور گھر پر چھاپوں پر شدید تنقید کی ہے۔