امریکی وزیر خارجہ کے مستعفی ہونے کی خبروں کی تردید

متحدہ امریکہ کے وزیر خارجہ   ریکس ٹلرسن  نے حالیہ  کچھ عرصے سے ان  کے مستعفی ہونے سے متعلق  خبروں  کی تردید کرترے ہوئے کہا کہ  وہ اپنے  فرائض ادا کرتے رہیں گے۔

انہوں نے ان خیالات کا اظہار   پریس کانفرنس کے دوران کیا۔

ٹلرسن نے، جو ماضی میں ملٹی نیشنل تیل کمپنی ایکسون موبیل کے سربراہ رہ چکے ہیں، واشنگٹن میں کہا کہ انہوں نے بطور وزیر خارجہ اپنے عہدے سے مستعفی ہونے کا کبھی سوچا بھی نہیں۔ ساتھ ہی ٹلرسن نے وائٹ ہاؤس کے اپنے ساتھ تعاون کی تعریف کرتے ہوئے کہا کہ وہ ٹرمپ انتظامیہ کو کمزور بنانے کی کوششوں کا حصہ نہیں بنیں گے۔

 وائٹ ہاؤس کے ایک بیان میں بھی کہا گیا ہے کہ ٹلرسن کو صدر ٹرمپ کا مکمل اعتماد حاصل ہے۔