ایس -300 میزائل نظام کی شام میں تنصیب باعث تشویش ہے:امریکہ
وائٹ ہاوس کے ترجمان جوش ارنسٹ نے نظام کی تنصیب پر تشویش ظاہر کرتےہوئے کہا ہے کہ مشرق وسطی میں انسداد دہشت گردی کےلیے روس موجود ہے مگریہ تاثر غلط ہے کہ داعش یا النصرہ کے پاس کسی قسم کے جنگی طیارے پائے جاتے ہیں
امریکہ نے شام میں ایس 300 روسی میزائل نظام کی تنصیب پر اعتراض کیاہے۔
وائٹ ہاوس کے ترجمان جوش ارنسٹ نے کہا ہے کہ اس صورت حال کا قریبی جائزہ لیا جا رہا ہے اور ہم روس کے اس موقف کو جاننے کی کوشش کر رہے ہیں کہ اُس نے داعش اور القائدہ کے خلاف زیادہ موثر کاروائی کےلیے اس میزائل نظام کو نصب کیا ہے۔
دوسری جانب محکمہ دفاع کے ترجمان پیٹر کوک نے بھی اس نظام کی تنصیب پر تشویش ظاہر کرتےہوئے کہا ہے کہ مشرق وسطی میں انسداد دہشت گردی کےلیے روس موجود ہے مگر یہ تاثر غلط ہے کہ داعش یا النصرہ کے پاس کسی قسم کے جنگی طیارے پائے جاتے ہیں جنہیں مار گرانے کےلیے اُس نے یہ میزائل نظام نصب کیا ہے۔
کک نے کہا کہ ہمارے اور روس کے درمیان ہر عالمی مسئلے پر بات چیت کے لیے روابط برقرار ہیں ۔
یاد رہے کہ روسی محکمہ دفاع کے ترجمان ایگور کوناشینکوف نے واضح کیا تھا کہ ان کا ملک شام میں ایس 300 قسم کے دفاعی میزائل نظام کو نصب کرے گا تاکہ دہشتگردوں کے فضائی حملوں کو روکا جا سکے۔
متعللقہ خبریں
اسرائیلی عوام غزہ میں نسل کشی کے خلاف اپنی صدا بلند کریں، صدرِ کولمبیا
آج اسرائیل کے لوگوں کو عالمی امن اور زندگی کے حق کے دفاع میں سب سے آگے ہونا چاہیے