گوانٹانامو کے قیدیوں میں سے 15 کو متحدہ عرب امارات بھیجا جا رہا ہے
قیدیوں میں سے 12 یمنی اور 3 افغان شہری ہیں، جنہیں متحدہ عرب امارات بھیجے جانے کے بعد جیل میں قیدیوں کی تعداد 61 رہ گئی ہے
امریکہ کی وزارت دفاع نے گوانٹانامو کے قیدیوں میں سے 15 کو متحدہ عرب امارات بھیجنے کا اعلان کیا ہے۔
یہ منتقلی ، صدر باراک اوباما کے دور میں گوانٹانامو سے ایک ہی وقت میں سب سے زیادہ تعداد میں قیدیوں کی منتقلی ہے۔
امریکی وزارت دفاع کے مطابق قیدیوں میں سے 12 یمنی اور 3 افغان شہری ہیں، جنہیں متحدہ عرب امارات بھیجے جانے کے بعد جیل میں قیدیوں کی تعداد 61 رہ گئی ہے۔
11ستمبر 2001 کے حملے کے بعد القائدہ اور طالبان کے ساتھ رابطے کے دعوے کے ساتھ متعدد افراد کو اس جیل میں رکھا گیا ۔
واضح رہے کہ اوباما کے دورِ صدارت کے دوران گوانٹا نامو میں قیدیوں کی تعداد مستقل کم ہو رہی ہے۔
صدر باراک اوباما اپنے دورِ صدارت کی مدت ختم ہونے سے قبل گوانٹانامو کو مکمل طور پر بند کرنے کا ہدف رکھتے ہیں۔
متعللقہ خبریں
اسرائیلی عوام غزہ میں نسل کشی کے خلاف اپنی صدا بلند کریں، صدرِ کولمبیا
آج اسرائیل کے لوگوں کو عالمی امن اور زندگی کے حق کے دفاع میں سب سے آگے ہونا چاہیے