بوکو حرام کے حملوں میں 14 افراد ہلاک اور بیسیوں زخمی
مغربی افریقہ کے تین ممالک نائجیریا، نائجر اور کیمرون میں حالیہ دو دن میں دہشت گرد تنظیم بوکو حرام کے حملوں میں 14 افراد ہلاک اور بیسیوں زخمی ہو گئے
مغربی افریقہ کے تین ممالک نائجیریا، نائجر اور کیمرون میں حالیہ دو دن میں دہشت گرد تنظیم بوکو حرام کے حملوں میں 14 افراد ہلاک اور بیسیوں زخمی ہو گئے ہیں۔
نائجر کے قصبے ڈیفا میں دہشت گرد تنظیم کے زیر حراست اراکین کو چھڑانے کے لئے دہشت گردوں کے جیل پر حملے کے نتیجے میں جھڑپ ہوئی جس میں جیل کا ایک گارڈین ہلاک اور ایک زخمی ہو گیا۔
کیمرون کے فوتوکول قصبے میں ایک فوجی بیس پر خود کش حملے میں ایک فوجی اور 12 شہری ہلاک جبکہ بیسیوں زخمی ہو گئے ہیں۔
اس کے علاوہ نائجیریا کے شہر مائدی گوری میں بھی بوکو حرام نے بم حملہ کیا۔
نائجیریا، چاڈ اور کیمرون میں ہفتے کے روز کئے گئے بوکو حرام کے حملوں میں 36 افراد ہلاک اور 100 سے زائد زخمی ہو گئے تھے۔
واضح رہے کہ دہشت گرد حملے کے دوران چہروں کو نقاب سے ڈھانپ لیتے ہیں جس کی وجہ سے چاڈ کی حکومت نے عورتوں کے لئے نقاب پہن کر باہر نکلنا ممنوع قرار دے دیا تھا۔
متعللقہ خبریں
نائجیریا، ریاست کاتسینا میں مسلح حملے میں 7 افراد ہلاک
سیکیورٹی فورسز کو علاقے میں بھیج دیا گیا ہے اور اس واقعے کی تحقیقات شروع کردی گئی ہیں
