برطانوی طیارے کی ایمرجنسی لینڈنگ

برطانوی ایئرلائنز کے طیارے نے جب ساؤتھپٹن سے ڈبلن جانے کے لیے ایئر پورٹ سے پرواز کی تو چند منٹ بعد ہی پائلٹ کو طیارے میں تکنیکی مسئلے کا احساس ہوا ۔ اس نے طیارے کو واپس ایئر پورٹ پر اتارنے کا فیصلہ کیا۔ طیارے کی لینڈنگ کے بعد جب ایئر پورٹ پر موجود انجیئنرزنے جہاز میں تکنیکی مسئلے کا پتا لگانے کے لیے معائنہ شروع کیا تو یہ دیکھ کر وہ حیران رہ گئے کہ اس خرابی کی وجہ کوئی آلہ نہیں بلکہ جہاز کے پچھلے حصے میں موجود شہد کی مکھی تھی جو وہاں پھنس گئی تھی ۔
مکھی کی بدولت طیارے کو 2 گھنٹے تک ایئر پورٹ پر رکنا پڑا جب کہ اس دوران طیارے کے متاثرہ انسٹرومنٹ کو بھی تبدیل کیا گیا ۔