أردۇغان قاشقچی واقاسی باراسیندا ماقالا یازدی

تۆرکیأنینگ جمهورباشلیغی رجب طیب أردۇغان، تۆرکیأنینگ سعودی ژورنالیست جمال قاشقچی نینگ اؤلدۆریلمه گی بارادا بۆتین ماغلوماتلاری اۇرتا قۇیماق اۆچین ادیلیأن تاغاللالارا دۇوام ادیلجکدیگینی آیتدی.

أردۇغان آمریکانینگ واشنگتن پست قازتینده واقا بیلن باغلانشیقلی ماقالا چاپ اتدی.

ماقالاسیندا بو قازتده ماقالا یازیان قاشقچی نینگ ۲۰۱۸-نجی ییلینگ ۲-نجی اکتبریندا یوردونینگ ایستامبول داقی کنسوللیغیندا اؤلدۆریلمه گینی یاتلادان أردۇغان،

"قاشقچی نینگ اؤلدۆریلمه گی ۱۱-نجی سنتیابرداقی ترورچیلیقلی هۆجۆمی سانا آلماساق، ۲۱-نجی عاصرینگ اینگ اولی واقاسی دییپ بیلریس. چۆنکی ۱۱-نجی سنتیابردان بأری هیچ بیر واقا حالقارا دۆزگۆنی شیله تهدیت اتمأپدی، دۆنیأنینگ قابول ادن قانونلارینا تِرس گِلمأپدی" دییپ یازدی.

تۆرکیأنینگ ایلکینجی گۆندن بأری بو مسئله باراسیندا آچ آچانلیق سیاسات آلیپ باراندیغینی آیدان أردۇغان،

"ایزدا قالان بیر ییللیق دؤوۆرده گیزلین حابار آلما و حۇوپسوزلیق قورامالاریمیز بیلن دیپلماتلاریمیز و قاضیه تیمیز، مسئلأنینگ ایزارلاییجیسی حؤکمۆنده شۇل مسئله بیلن باغلانشیقلی آداملار بیلن ایشله‌شدی و میللی و حالقارا جمغیتچلیگه ماغلومات برمه ک اۆچین ادیلمه لی ایشلری ادندیر".

قاشقچی نی قانحۇرلارچا اؤلدۆریلن تۇپار بیلن عربیستان پاتشاسی سلمان بن عبدالعزیز و سعودی عربیستان حالقی آراسیندا آچ آچان بیر چیزیق قۇییاندیقلارینی آیدان أردۇغان،

"بیله کی تاراپدان قادیمی دۇستلیغیمیز، حاقیقاتلاری آیتماغا پأسگل برمه‌ز. ترسینه دۇست دییأنینگ قین زاتلاری آیتمالیدیر" دیدی.

أردۇغان عادالاتینگ اساسیندا میللی و حالقارا قاضیه تلرینگ پِرمانی بیلن یرینه یتیریلجکدیگینه اینانیاندیغینی بیلدیریپ،

"بو مسئلأنی آچ آچانلیقدان اوزاق یاغدایدا آلیپ بارماق، قاضیه ت ایشلری نینگ یاپیق قاپیلارینگ آرقاسیندا آلیپ باریلماغی و متهملرینگ رسمی بۇلمادیق یاغدایدا بۇشادیلماغی باراداقی سؤزلر، حالقارا جمغیتچیلیگینگ قاراشیان زاتلارینا ترسدیر و سعودی عربیستانا بۇلان قاراییشا قۇوی دألدیر. سعودی عربیستان دۇست و حیذماتداش حؤکمۆنده شیله یاغدایی آصلا ایسله‌مِز" دیدی.

أردۇغان تۆرکیه حؤکمۆنده اؤنگۆمیزدأکی دؤوۆرده ده قاشیقچی نینگ اؤلدۆریلمه گی مسئله سینی آچ آچان یاغدایدا چؤزگۆده قۇوشوریلماغی اۆچین تاغاللا دۇوام اتجکدیگینی نیغتادی.