أردوُغان: ایسرائیل ینگ دوُلانشیغی هیتلر یالی قارغیشلانیپ یاتلانجاقدیر

تۆرکیأنینگ جمهورباشلیغی رجب طیب أردوُغان غزه ده قیرغینچیلیغا دوُوام ادن ایسرائیل دوُلانشیغی نینگ هیتلر یالی لعنت و قارغیش بیلن یاتلانجاقدیغینی آیتدی.

تۆرکیأنینگ جمهورباشلیغی ایستامبول داقی "تۆرکیه عاصری نینگ اساسی قانون، جمغیتچیلیگه اساسلی اساسی قانون و گۆیچلی تۆرکیه" سمپوزیومینا قاتناشدی.

أردوُغان ایسرائیل ینگ غزه ده حوُوپسوز یر دییپ آیدانی رفح بوُسغون دۆشِلگه سینه راکت بیلن هۆجۆم قورماغینی برک یازغاردی.

"بو قیرغینچیلیق ترورچیلیق دؤولتی نینگ ییگرنچ یۆزۆنی ینه بیر گِزه ک گؤرکِزدی" دیه ن تۆرک یوُلباشچی "ایسرائیل ینگ باش وزیری بنیامین نتانیاهو یوردوندا اؤرأن قاباندی. کؤپ قان دؤکۆپ سیاسی عؤمرۆنی اوزادیپ بیلمه‌ز. هیتلر یالی قارغیشلانیپ یاتلانماقدان حالاص بوُلوپ بیلمه ز" دیدی.

ایسرائیل ینگ قشونی نینگ غزه دأکی رفح شهرینده بوُسغون فلسطینلیلرینگ چادیرلارینا هۆجۆم قوردی.

شوُل هۆجۆمده ایلکینجی کِسگِتلره گؤرأ 40 فلسطینلی آرادان چیقدی.