Mustafa Warank Senagat önümçiligi bilen bagly beýanat berdi

Türkiýäniň Senagat we tehnologiýa ministri Mustafa Warank, 2020-nji ýylyň dekabr aýynda G20-ä agza ýurtlaryň arasynda Senagat önümçiligini iň köp artdyran ýurdyň Türkiýe bolandygyny habar berdi. 

Senagat we tehnologiýa ministri Mustafa Warank, Senagat önümçiligi bilen bagly özüniň sosial media hasabyndan beýanat berip: "Soňky çärýekde senagat önümçiliginde hasaba alynan uly artyş, Türkiýäniň 2020-nji ýyly oňyn görkezijiler bilen ýapjak dünýädäki birnäçe ýurdyň biri boljakdygyny tassyklady" diýip mälim etdi. 

Senagat we tehnologiýa ministri Mustafa Warank: "Ykdysadyýet we hukuk ugurlaryndaky özgertme göçümlerimiz we senagat pudagymyzyň wekilleri bilen ýokary hilli we durnukly ösüş maksadymyzy dowam etdireris" diýip belledi.