Daniýada Gurhana we Türk Baýdagyna Guralan Hüjüm Näletlendi

Türkiýe, Daniýada Gurhana we Türk baýdagyna guralan hüjümi näletledi.

Daşary işler ministrliginden berlen beýannamada, “Daniýada düýn ýene-de bir gezek mukaddes kitabymyz Gurhana we şanly baýdagymyza guralan kemsidiji hüjümi näletleýäris. Ähli duýduryşlara garamazdan bu kemsidiji hüjümlere söz azatlygy hökmünde rugsat berilmegi kabul edilmesiz” diýildi.

Beýannamada, Daniýanyň Ankaradaky ilçisine degişli gaýtawulyň görkezilendigi bellenildi.

Beýannamada, Ýewropada soňky döwürde yslama we daşary ýurtly duşmançylygyna garşy tutumlaryň artmagyna alada bildirilýändigi nygtaldy. Daniýanyň bu meseledäki ünssiz çemeleşmesiniň dünýädäki tutumynyň ähli musulmanlaryň garşylygyna sezewar bolandygy we milliardlarça adamy biynjalyk edendigi bellenildi.

Beýannamada, mundan başgada remezan aýynda dowam edýän şuňa meňzeş meçew beriji aksiýalaryň öňüniň alynmagy we indi gaýtalanmazlygy üçin degişli çäreleriň görülmegi islendi.

Daniýada 24-nji we 31-nji martda Türkiýäniň Kopengagendäki ilçihanasynyň öňünde Gurahana we Türk baýdagyna hüjüm guralypdy.