Prezident Erdogan Anytkabire bardy
Prezident Erdogan ol ýerde Anytkabiriň ýörite depderine gol goýdy
Prezident Rejep Taýýip Erdoganyň ýolbaşçylygyndaky hökümediň agzalary, 30-njy awgust Ýeňiş baýramy we Türkiýäniň Ýaragly güýçleriniň güni mynasybetli paýtagt Ankara şäherinde Türkiye Respublikasynyň esaslandyryjysy Mustafa Kemal Atatürkiň aramgähiniň ýerleşýän Anytkabire bardylar.
Prezident Erdogan ol ýerde Anytkabiriň ýörite depderine gol goýdy.
Prezident Rejep Taýýip Erdogan Anytkabiriň ýörite depderine: "Eziz Atatürk şöhratly taryhymyzyň iň möhüm öwrülişik nokadynyň biri bolan Beýik Ýeňişiň 100-nji ýylynda Siziň Alyhezretiňizi, egindeşleriňizi, Beýik Millet Mejlsiiniň hormatly agzalaryny we eziz şehitlerimizi uly hormat bilen hatyralap geçýäris. Gahryman şehitlerimizden alan ylhamymyz bilen Türkiye Respublikasyny bize goýup giden maksatlaryňyzyň çäginde özgertmäge, başda ykdysadyýet, goranyş we diplomatiýa bolmak bilen ähli ugurlar boýunça güýçlendirmäge dowam edýäris. Global epidemiýa krizisiniň hötdesinden üstünlik gelen ýurdumyz sebitinde başdan geçirilýän çaknyşyklary üstünlik bilen dolandyrýar, parahatçylygyň we durnuklylygyň ýaňadandan dikeldilmegi üçin bütin dünýäniň takdyryny alýan diplomatik göçümleri amala aşyrýar. Beýgelýän, güýçlenýän, özüne ynamy ýokary bolan raýatlary bilen ezilen adamlaryň umydy bolan bir Türkiyäniň gurluşynyň öňüne ne basyp alyjylaryň oýunlaryna ne-de eli ganly terror guramalarynyň hüjümleri böwet bolup bilmez. Ýatan ýerleri ýagty bolsun" diýip ýazdy.
Prezident Erdogan soň bolsa Döwlet gonamçylygyna zyýarat etdi.
