Türk Resmi Wekiliýeti Palestinada Saparda Bolýar
Palestinanyň Prezidenti Mahmud Abbas türk resmi wekiliýetini kabul etdi.
Diplomatik çeşmeleriň berýän maglumatyna görä, Türk resmi wekiliýeti Palestinada saparda bolýar.
Palestinanyň Prezidenti Mahmud Abbas Ramallah şäherinde Prezidentiň Metbugat sekretary Ibrahim Kalyn bilen Daşary işler ministriniň orunbasary Sedat Önalyň ýolbaşçylygyndaky türk resmi wekiliýetini kabul etdi.
Kabul edilşikde Türkiýe-Palestina gatnaşyklary ara alnyp maslahatlaşyldy.
Türk resmi wekiliýeti, iki döwletli çözgüdiň çäginde Türkiýäniň Palestinanyň halkyna goldaw bermäge dowam etjekdigini nygtady.
Türk resmi wekiliýeti saparynyň çäginde Palestinanyň Daşary işler ministri Riýad Al Maliki bilen hem duşuşdy.
Duşuşyga Türkiýäniň Palestinadaky Başkonsuly ilçi Ahmet Ryza Demir hem gatnaşdy.
Prezidentiň Metbugat sekretary Ibrahim Kalyn bilen Daşary işler ministriniň orunbasary Sedat Önalyň şu gün Ysraýylyň Daşary işler ministrliginiň ýolbaşçylary bilen duşuşmagy meýilleşdirilýär.
Degişli Habarlar
Ýene-de 5 Terrorçy Täsirsiz Ýagdaýa Getirildi
Soňky terrorçy täsirsiz ýagdaýa getirilýänçä terrora garşy egilşiksiz göreş dowam eder