Prezident Erdogan, BAE-ne Guraýan Saparyny Dowam Etdirýär

Prezident R. T. Erdogan, Abu Dabiniň Mirasdüşer Şazadasy Şyh Muhammed Bin Zaýed Al Nahaýanyň çakylygyna laýyklykda resmi sapar bilen Birleşen Arap Emirliklerine gitdi.

Prezident Erdogan, Abu Dabiniň halkara howa menzilinde Abu Dabiniň Federal ministri Tani Bin Ahmed Al Zeýuidi, Türkiýäniň Abu Dabidäki Adatdan daşary we Doly ygtyýarly ilçisi Tugaý Tunçer we Dubaidäki Baş konsulugy Mustafa Ilker Kylyç tarapyndan garşylandy.

Prezident Erdogan Kasr Al Watan köşgünde Mirasdüşer Şazada Şyh Muhammed Bin Zaýed Al Nahaýan tarapyndan resmi dabara bilen garşylandy.

Iki lider garşylama dabarasyndan soň özara duşuşyk geçirdi.

Prezident Erdogan bilen Mirasdüşer Şazada Şyh Muhammed Bin Zaýed Al Nahaýanyň ýolbaşçylygynda geçirlen toparara gepleşiklerden soň özara hyzmatdaşlyk şertnamalaryna gol çekişildi.

Iki ýurduň arasynda goranyş senagaty, saglygy goraýyş, howa çalşygy, senagat, tehnalogiýa, medeniýet, oba hojalyk, söwda, ykdysadyýet, gury ýer we deňiz gatnawy ýaly birnäçe ugur boýunça 13 şertnama baglaşyldy.

Prezident Erdoganyň iki günlük resmi saparynyň çäginde özara gatnaşyklaryň we hyzmatdaşlyklaryň pugtalandyrylmagy ýaly ugurlar bilen birlikde sebitara we halkara meseleler hem ara alnyp maslahatlaşylar.

Prezident Erdogan saparynyň çäginde mundan başgada “EXPO-2020 Dubai” sergisine baryp, Türkiýäniň milli güni diýlip yglan edilen 15-nji fewralda Türkiýäniň sergi pawiýonyna görer.