1-nji Iýundan Başlap Sanjymlama Tapgyrynyň Depgini Güýçlener
Ministr Koja Koronawirus Ylmy geňeşiniň maslahatyndan soň metbugata beýannama berdi
Saglygy goraýyş ministri Fahrettin Koja, 1-nji iýundan başlap sanjymlama tapgyrynyň depgininiň güýçlenjekdigini nygtady.
Ministr Koja Koronawirus Ylmy geňeşiniň maslahatyndan soň metbugata beýannama berdi.
“1-nji iýundan başlap sanjymlama tapgyrynyň depgini güýçlener. 50 ýaşyndan ýokardaky raýatlarymyz üçin sanjymlama tapgyry başlar” diýen Koja, ýerli sanjymyň öndürilmegi baradaky işlerde hem soňky tapgyra gelinendigini belledi.
Koja, “Ilatymyzyň sanyndan 3 esse köp 270 million doza sanjymyň satyn alynmagy üçin şertnama baglaşdyk. Geljek hepdäniň başynda ýene-de 5 million doza golaý sanjym geler. Ýerli sanjymymyzy hem gysga wagtda öndürjekdigimizi buşlamak isleýärin” diýdi.
Saglygy goraýyş ministri Koja “Epdemiýanyň ýaramaz täsiriniň tomus aýlaryndan başlap ortan aýrylmagyna garaşýarys” diýip belledi.
