"Siriýada Asada tabynlykdaky güýçler tarapyndan şu gün geçirilen saýlawlar bikanun häsýete eýe"
Türkiýäniň Daşary işler ministrligi: "Siriýada Asada tabynlykdaky güýçler tarapyndan şu gün geçirilen saýlawlar bikanun häsýete eýe" diýip nygtady
Daşary işler ministrliginden berilen beýanatda, Siriýada Asada tabynlykdaky güýçler tarapyndan şu gün geçirilen saýlawlaryň halkyň erkin ygtyýaryny görkezmeýändigi we bikanun häsýete eýedigi mälim edildi.
Beýanatda erkin we adalatly bolmaýan şertlerde geçirilen ady agzalan saýlawlaryň, Siriýa oňşuksyzlygynyň syýasy çözgüdi bilen baglanşykly BMG-nyň Howpsuzlyk geňeşiniň 2254 belgeli kararyna bap gelmeýşi ýaly, Asada tabynlykdaky güýçleriň syýasy tapgyr bilen baglanşykly ýasama pozisiýasyny hem orta goýandygy bellendi.
Beýanatda Asada tabynlykdaky güýçleriň netijesi mälim bolan saýlawlary öňe sürüp, ýasama kanunylaýyklygy üpjün etmek tagallalaryna rugsat berilmezligi we BMG-nyň ýolbaşçylygynda, siriýalylaryň ýer eýeçilik etmeginde we öňbaşçylygynda alynyp barylýan syýasy tapgyryň arakesmesiz dowam etdirilmeginiň möhümdigi bellenip: "Türkiýe bu ugurdaky tagallalary Siriýanyň halky bilen jebislik içinde tutanýerlilik bilen dowam etdirer" diýip habar berildi.
